FORO DE PEQUENOS CONCELLOS EN PERBES

Hoxe tivemos en Perbes, no local social de Xarío, un foro dos que está a facer o PSdeG por toda Galicia preparando a vindeira campaña municipal. Igualdade, benestar, urbanismo... os temas que nos preocupan aos socialistas son os que se van tratando e debatendo nestes foros participativos e abertos. A longa e positiva experiencia dos socialistas na política local nace de estar en contacto cos cidadáns, de vertebrar os nosos programas electorales recollendo cada día as necesidades dos veciños.

O de Perbes adicouse á política nos concellos pequenos. Piñor, Cedeira, Mesía, Portomarín, Curtis, (cos seus respectivos alcaldes, alcaldesa e candidato) e tamén Miño (co noso candidato Manuel Vázquez Farlado) protagonizaron o acto, aínda que nos acompañaron tamén compañeiros doutras localidades. Todos tivemos a oportunidade de escoitar experiencias de socialistas que traballan acotío moi pegadiños á rúa, en contacto cos veciños e aportando solucións aos problemas concretos das poboacións pequenas. Dende Miño, Manuel Vázquez Faraldo explicou a situación na que se atopa o noso concello, as expectativas que temos e as propostas que presentamos para o goberno local.

Abriron o acto Mar Barcón e Salvador Fernández Moreda; despóis Pablo García, secretario de organización do PSdeG, presentóu a ponencia do alcalde de Piñor, Francisco José Fraga Civeira, sobre os retos e desafíos do futuro nos concellos pequenos, na que comentóu iniciativas que leva a cabo en Piñor (1.500 habitantes) como o servicio de comida a domicilio, a lavandería para dependentes, autocompostaxe para reducir a cantidade de lixo producida, servicios de fisioterapia... e destacóu a necesidade de incorporar aos veciños e nomeadamente ás mulleres á participación activa na política municipal.

A continuación houbo unha mesa redonda moderada por Antonio Sánchez (candidato de Curtis) na que o alcalde de Mesía, Mariano Iglesias nos dou unha lección de cómo xestionar os servicios sociais para unha poboación envellecida sen esquecer aos máis novos; Silvia Rodríguez, alcaldesa de Portomarín, mostrounos que fan para ampliar a tempada turística máis aló do atractivo indudable do camiño de Santiago; o alcalde de Cedeira, José Luis Vergara falou do urbanismo responsable (¡moito hai que aprender en Miño sobre o tema!) e por fin Sonia Verdes, diputada e voceira de Medio Rural do grupo parlamentario socialista, fixo unha exposición das políticas socialistas para o rural durante o goberno de Touriño e agora dende a oposición.

O turno de preguntas abriu un animado debate no que o tema estrela, non podía ser doutro xeito estando en Miño, foron as políticas de urbanismo, os plans de ordenación do territorio (PXOM) e a necesidade de que todo esto se faga cunha sensibilidade ambiental que non esqueza o aspecto social e económico.

Non queremos rematar esta crónica moi resumida sen reiterar os agradecementos aos asistentes (público e intervintes), a Mar Barcón pola celebración do foro na nosa localidade e de forma especial á AAVV Xarío por cedernos amablemente o seu magnífico local.