ATA O INFINITO... E MÁIS ALÓ!

Non sabemos ata onde vai chegar o goberno do PP en Miño coa fuxida cara adiante na que está inmerso dende fai un tempo para tapar a súa ineficacia, incompetencia, prepotencia e despotismo na xestión do concello . As mentiras vanse acumulando e claro, ás veces ata eles mesmo se contradin nas explicacións que tratan de dar a asuntos tan evidentes que non precisan ser explicados (xa se sabe, excusatio non petita, accusatio manifesta).

Fai unha semana amanecíamos coa nova de que os concellos cunha débeda menor do 75% dos ingresos correntes poderían recurrir a máis préstamos, e o concello de Miño -cómo non- saía na prensa sacando peito: temos menos débeda, podemos pedir máis crédito pero igualmente non pensabamos facelo. Aí queda iso, e que se vaia enterando o Tribunal de Contas:

http://www.laopinioncoruna.es/metro/2010/09/10/concellos-comarca-aseguran-capacidad-endeudarse-2011/418461.html

Parecía o conto daquel que, estando no fondo dun burato e para non aceptar que caeu afirma que non, que el vive alá abaixo.

Imaxinamos que os sufridos veciños que todo o cren, e os concelleiros do PP e afins que tamén (pero que ademáis son partícipes e responsables, queiran ou non, do que se fai e firma no goberno de Maceiras) quedaron felices e tranquilos de saber que en Miño as contas están ben, e inda por riba non fan falla créditos. O famoso "Miño es autosuficiente" que cacareaba o señor alcalde non fai tanto tempo, mareado polos cartos que entraban no concello.

Claro que hoxe a cousa cambiou un pouco. Agora resulta que sí, que a debeda non só supera o 75% senon que de novo Miño ten a dubidosa honra de estar na cabeza da lista dos concellos galegos que non poden endebedarse máis pola súa situación económico-financiera, cun 104,39%. En qué quedamos? Daquela había máis débeda da que o concello recoñecía e aseguraba? Na escola a iso lle chamaban faltar á verdade, dicir trolas ou, directamente MENTIR.

En fin, iso non pode sorprender a ninguén que coñeza a xestión de Maceiras&cía, o malgasto e o despilfarro en obras faraónicas dignas da persoaxe que leva o bastón de mando no concello, que non fixo máis que correxir e mellorar o labor de Veiga, Herva, Bernardo e os demáis nos anteriores vintepico de anos do PP en Miño.

O curioso ven cando lemos na noticia o motivo que da o propio goberno para explicar que "donde dije digo digo Diego": un lamentable erro nas contas, vaia por Deus e polas ánimas do purgatorio, trabucáronse outra vez. Millón arriba, millón abaixo, qué maís da:

http://www.laopinioncoruna.es/metro/2010/09/17/concello-seis-galicia-podra-pedir-prestamo-2011/420722.html

Chegados a este punto, os veciños poden respirar; se os multan por non poñer o papeliño do aparcamento poden alegar que foi un erro; se esquecen pagar o IBI, o mesmo. O concello é comprensivo e non será quen de tirar a primeira pedra. Por suposto tamén debería entender a mentira, ou a realidade adornada que eles tan ben utilizan.

Pero a cousa non remata ahí, porque a versión dos feitos, que diría un investigador de película (tal parece a historia do un e os sete ceros) vai variando según cambiamos de xornal:

http://www.xornal.com/artigo/2010/09/17/economia/mino-lidera-lista-concellos-galicia-non-poderan-endebedarse/2010091701014401501.html

Agora resulta que hai débeda (enorme), pero non foi un erro. Non señores, a culpa coma sempre non foi deles, foi do bipartito -ou dos de Asuntos Sociais, ou do anterior secretario, ou do anterior interventor, ou do chachacha. Que, ben pensado, poderíamos elexir como himno deste goberno de Miño que xamais ten culpa de nada:

">

O pobre Maceiras veuse na obriga de facer o "bulevar" por 5.400.000 euros e ningué llo pagóu. E agora ten a desfachatez de decir que as cousas "acabarán indo"... polo mar abaixo, quererá dicir.

Pois nada, vaia indo o señor Maceiras e os seus acólitos polo mar abaixo acompañados dunha troita de pé, que algúns teremos que quedar para amañar a desfeita que van deixar estes elementos en Miño. Pero mentres, deixen de dicir mentiras.